Así se forman as nubes ☁

 Este venres 16 de maio, viñéronnos visitar a Lobios un gran equipo formado por traballadores da Confederación Hidrográfica Miño-Sil así como membros da Universidade de Vigo e da Universidade de Oporto. Todos eles organizaron con moita ilusión unha xornada para dar a coñecer os traballos que están facendo no río da nosa aldea, o río Lobios. Ademais, trouxéronnos catro experiencias para coñecer un pouco máis sobre o ciclo da auga e a presenza da auga no planeta e na nosa área. 

Sorprendeunos moitísimo un dos experimentos que nos propuxeron: unha nube nun matraz erlenmeyer!!! Si, como estades oíndo! Só precisaron un bombín, auga e alcohol e un matraz erlenmeyer. 

 Todos nós sabemos que as nubes están formadas por millóns e millóns de pequenísimas gotiñas en suspensión. Pero, con este experimentos os rapaces da Confederación foron quen de ensinarnos a importancia da presión atmosférica na formación das nubes! 

Aquí podedes ver dous vídeos! 

Outro das experiencias que nos propuxeron foi vivenciar esta maqueta. Con ela, comprendemos un pouquiño mellor algunhas das funcións das présas e o concepto de zona inundable, 

e o risco que teñen estas áreas.